د بدخشان ولايت د امنيې قوماندانۍ وياند په دغه ولايت کې د يوې ښځې د وژنې خبر ورکړى او وايي چې د دغې ميرمنې ميړه د پوليسو له خوا د وژنې په تور نيول شوى دى.

د فراه ولایت سیمه ییز چارواکي وايي، د دغه ولایت په بکواه ولسوالۍ کې د یوه کور د چت د نړېدو له امله د څو کورنیو ۱۵ غړي وژل شوي او ټپیان دي.

د روسيې د بهرنيو چارو وزارت وياند په يوه پيغام کې په بغلان ولايت کې د سختو سيلابونو له امله د اوښتو زيانونو له امله له افغانستان سره د خواشينۍ او خواخوږۍ د څرګندولو په ترڅ کې د افغانستان له خلکو سره د مرستې لپاره د مسکو چمتووالى اعلان کړى دى.

د افغانستان د هوا پېژندنې ادارې د هېواد په ۲۲ ولایتونو کې د سختو بارانونو، ورښتونو او سېلابونو خبرداری ورکړی دی.

د ماشومانو د ساتنې ادارې په یوه راپور کې ویلي، چې د افغانستان په شمال کې شاوخوا څلوېښت زره ماشومانو د سېلابونو له امله خپل کورونه له لاسه ورکړي دي.

د فارياب د والي وياند وايي، په تېرو څو ورځو کې په دغه ولايت کې د سېلابونو له امله د يوه ماشوم په ګډون دوه تنه وژل شوي او د استوګنې ٢٠٠ کورونه ويجاړ شوي دي.

د ملګرو ملتونو د ماشومانو صندوق (یونیسف) اعلان کړی، چې د افغانستان په شمال ختیځ کې د سېلابونو له امله لږ تر لږه ۵۱ ماشومان وژل شوی دی.

د بلخ د والي وياند په بلخ کې د بغلان له سېلاب ځپلو سره د مرستو د راټولولو لپاره د بېړنۍ کمېټې د جوړېدو خبر ورکوي او وايي چې تر اوسه پورې اته لارۍ خوراکي توکي، خېمې او جامې سېلاب ځپلو ته لېږل شوي دي.

په بدخشان ولایت کې د جمعې په ورځ (د ثور ۲۱مه) سختو بارانونو او سېلابونو ۵۴۵ د استوګنې کورونه، ۱۶۰۰ جریبه کرنیزه ځمکه، ۴۹ زره ونې ویجاړ کړي او تر ۲ زره څارویو ته یې مرګ ژوبله اړولي دي.

د ایران د اسلامي جمهوریت د بهرنیو چارو د وزارت ویاند ناصر کنعاني د یو پیغام په خپرولو سره د افغانستان چارواکو او د افغانستان خلکو ته د تسلیت مراتب وړاندې کړل او د قربانیانو له کورنیو سره یې د خواخوږۍ مراتب څرګند کړل او د خدای تعالی له دربار څخه یې ورته د فردوس جنت غوښتنه وکړه او ټپیانو ته د عاجلې روغتیا غوښتونکې شو.

د تبیان د کلتوري او ټولنیزو فعالیتونو د مرکز مشر د هېواد له شمال څخه تر لوېدیځ پورې په بېلابېلو ولایتونو په ځانګړي ډول په بغلان ولایت کې د سختو بارانونو او ویجاړونکو سېلابونو له امله په یوه پیغام کې د ټولو شتمنو هیوادوالو، په بهر کې مېشتو کډوالو ، نړيوالې ټولنې، ګاونډيو هېوادونو او نړۍ څخه غوښتنه کړې، چې ژر تر ژره دې د افغانستان له حکومت او ځپل شوي ...

د رئیس الوزرا اقتصادي مرستیال ملا عبدالغني برادر په بغلان کې د وروستیو سیلابونو له قربانیانو سره د مرستې او د هغوی د ستونزو د حل په موخه د یوه لوړ پوړي پلاوي په مشرۍ دغه ولایت ته سفر کړی دی. 

په "شمالي وزیرستان" کې د پاکستان د پوځ پر ځواکونو د یوې بمي چاودنې او یوې تروریستي حملې د دغه هېواد ۷ پوځیان ووژل.

د سمنګان د والي وياند وايي، چې په دغه ولايت کې سېلابونو د ځاني زيان ترڅنګ د دوو تنو د وژل کېدو لامل هم ګرځولي دي.

د خوړو نړیوال پروګرام وايي، په بغلان ولایت کې د سېلابونو له امله تر ۳۰۰ ډېر کسان وژل شوي او شاوخوا ۱۰۰۰ کورونه ویجاړ شوي دي.

رسنیو راپور ورکړی چې په برازیل کې د سختو بارانونو او سیلابونو له امله ۱۲۷ تنو خپل ژوند له لاسه ورکړی او ۱۴۱ تنه ورک دی.

د ملي دفاع وزارت د ٢١٧ عمري قول اردو د منسوبينو له خوا په بغلان ولايت کې د ښځو او ماشومانو په ګډون د يو شمېر ملکي وګړو د ژغورنې خبر ورکړ.

په تخار ولایت کې د اسلامي امارت سیمه ییز چارواکي په دغه ولایت کې د سیلابونو له امله د شلو تنو د وژل کیدو، د لسګونو کورونو او د سلګونو جریبه کرنیزو ځمکو د ویجاړیدو خبر ورکوي.

په بغلان، بدخشان، تخار، غور او هرات ولایتونو کې د جمعې د ورځې د سختو بارانونو او ویجاړونکو سېلابونو له امله د دغو ولایتونو لسګونه اوسېدونکي مړه شوي دي. اسلامي امارت د تسلیت د پیغام په خپرولو سره له طبیعي پېښو سره د مبارزې له وزارت، کورنیو چارو وزارت او سیمه ییزو مسوولینو څخه غوښتنه کړې چې له ټولو شته امکاناتو څخه په استفادې د سېلاب ځپلو کورنیو ته مرستې ...

د تهران د ښاروالۍ د اور وژنې ادارې او امنیتي خدماتو چارواکو تایید کړې چې د افغانستان یو ۷۰ کلن کارکوونکی په یوه څاه کې د لویدو له امله مړ شوی دی.